कान का पर्दा ख़राब करेगा इयरफोन : दिमाग पर भी असर | Earphone Side effect, uses tips

  

 Earphone ya earbuds , pichhale kuchh salon me isaka istemal itana jyada badha hai ki chhote-chhote bachche se lekar old ager tak sab eese bekhouf use kar rahe hai.

          Kisi ka call ho, meeting ho, online classes ho ya music, OTT series ho, insab ke liye kai ghanto tak kan me earphone lagana padta hai.

          Aise hi kan me earphone laga kar road par kitane traffic rule ko todate huye aapko dikh jayenge.

          Privacy and dusare ko kam disturb karane se bachane ka best tarika ka jyada istemal se hamare sehat par bahut bura asar pad raha hai. Headphone ya earphone se aane wali sound hamare eardrum ko bhari nuksan pahuncha rahi hai.

          Aaj humlog ees post me eesi ke bare me details me janenge ki yah hamare kano ko kees had tah nuksan pahuncha rahi hai and hume sawdhani kya bratani chahiye. Aayiye jante hai question answer ke through…

Earphone regular ya jyada istemal se kya problem hoti hai ?

          WHO ki mane to unhone yah chetawani di hai ki jis tarah se humlog earphone ka istemal kar rahe hai usake anusar 2050 tak 70 carore se jyada logon ka kan kharab ho jayega.

          Earphone ya earbuds ka use karane se kan me vibration hote hai jisse sunane wala cells apani sensation kho deta hai. Jisse log bahra ho jate hai. Isake sath kuchh aur bhi problem ho sakte hai, jaise-

                    Kan me dard : Earphone ka jyada istemal karane se hamare kano me dard shuru ho jata hai. Kai bar humlog dard ko ignore kar dete hai, lekin kai baar yah dard bahut tej hote hai. Jisse kano me bharipan hone ki sambhawana badh jati hai.

                   Bahrapan : Earphone ko der tak lagane se aur vibration hone se kano ki nason par pressure padta hai. Jisse nason me swelling aa jati hai aur sensitivity khone se bahrapan bhi ho sakte hai.

                   Headache : Agar aap music daily tej awaj me sunate hai to isse sirf kano ko hi nahi hamare dimag ko bhi bahut jyada nuksan hota hai. Tej vibration se hume headache & nind na aane ki pareshani hone lagati hai.

                   Kan sunn hona : music Jyada der tak tej awaj me sunane se hamare kan sunn ho sakte hai. Mental problem, jaise- chakkar aana, nind na aane ki problem hone lagti hai.

                   Sunane ki kshamta : Isake rough use se dheere-dheere sunane ki kshamta kam hone lagti hai, sath hi infection bhi ho sakte hai. Isse “tinnitus” yaani kan me gunjan ya atirikt dhwani sunai deti hai.

          Yah sari problem unlogon ko jyada dekhane ko mlati hai jo log earphone, headphone ya earbuds ka lagatar kai-kai ghanto tak use karte hai ya raat me laga kar so jate hai unhe sabse jyada problem dekhane ko milega.

Earphone me kya hota hai ? jo itani problem hoti hai ?

          Hamare kan ke ander ek pardah type structure hota hai jise eardrum kahte hai. Isame kai nase & parts hote hai jo sidhe brain se connected hoti hai.

          Wahi earphone ki baat kare to ise lagane ke baad humare kan me sound ke sath kuchh vibration bhi aate hai aur eardrum se takrate hai, yah process adhik & tej gati se hone se yah problem hoti hai.

          Jab ek baar yah problem ho jati hai to yah permanent samasya ban jati hai. Agar isaka turant treatment nahi kiya jaye to yah dangerous ho jata hai.

Earphone v/s Headphone kon sahi hai ?

          Earphone & Headpone me koi jyada difference nahi hai dono se hi kan kharab hote hai. Magar headphone thoda surakshit hai, kyonki earphone kan ke ander lagta hai halanki Headphone kan ke bahar hi rahte hai. Jisse vibration & eardrum ki duri thoda adhik hota hai. Halanki earphone me yah duri kam hoti hai.

          Isliye yah kam nuksan karta hai. Agar aap headphone ka bhi use jyada aur tej awaj me karenge to yah bhi utana hi nuksan karega jitana earphone karta hai.

Earphone use karane ka sahi tarika kya hai ?

          Dr. ki mane to din me sirf 30 minute hi earphone ka use karna chahiye. Isake alawa jab jarurat ho tab kar sakte hai. Koshish karna chahiye ki jitana kam ho sake use kare, jyad din tak use kar payiyega.

Yah 10 tarika hai earphone ke pareshani se bachane ka—

• Bahut der tak earphone ya headphone ka use na kare.
• Kabhi bhi earphone ka volume 60% se jyada nahi kare.
• Hamesha earphone/Headphone ko saph rakhen aur dusaro ko share karane se bache.
• Kabhi bhi earphone ko apane kan ke ander adjust karane se bache. Apane kan ke chhidr ke anusar hi earphone kharide.
• Gane sunane ke liye sound system ka use kare.
• Online classes ya sessions ka time kam rakhen ya bina earphone ke sune.
• Earphone/Headphone hamesha branded company ka hi use kare.
• Kabhi bhi Bluetooth wala earphone/headphone ka use charging ke samay na kare.
• Earphone ka istemal se har 60 minute me 10 minute ka break jarur len.
• Kabhi bhi raat me earphone/headphone laga kar na soyen.

Yah hai kuchh tips jisse aapke kan der se kharab honge aur aap kuchh aur saal baad bahra banenge ya kam bahra banenge. Aisa bilkul bhi nahi hai ki koi earphone/headphone ka use kare aur koi nuksan nahi ho. Kyonki aapko apane ooper kitana control hai yah bhi dekhana hai.

To doston aaj humne earphone & earbuds ke bare me details me jana ki kyon aur kaise hamare kan kharab hote hai. Sath hi yah bhi jana ki isse bachaw kaise kiya ja sakta hai. Ummid karte hai yah jankari aapke kan ko healthy & jawan rakhane me help karegi. Eese apane doston ko jarur share kare.

• Tweet
• Share
• Share
• Share
• Share