हीट वेव से लोगों की जान जा रही है | बचाएंगे यह घरेलु शर्बत | Refreshing Sharbat recipes for summer

Garmi ke dino me tej garmi, dhup ke sath-sath hume kai tarah ke infection bhi dekhane ko milata hai. Unme se ek hai Acidity.

          Acidity ki problem hona normal baat hai. Kuchh bhi idhar-udhar ka saman ya bazar me road ke kinare bik  rahe contaminated saman ko khane se ho sakta hia. Isake alawa jyada tel-massala and galat time par khana-khana bhi acidity ko badhata hai. Garmi ke dino me waise bhi raat chhoti hoti hai logon ki nind bhi puri nahi ho pati hai and aadat se majbur jyada chay pine se bhi acidity badhane ka risk bana rahta hai.

          Hum sabhi jante hai ki garmi ke dino me bhojan kam, paani jyada pina chahiye. Insab ke alawa agar aap liquid diet lete hai to wo aur bhi jyada achchha hai.

          Aaj hum aise hi liquid me Kuchh aise Sharbat ke bare me janenge jo garmi ke dino me aapke pet ke sath-sath puri body ke liye amrit saman hoga…

          Ye sare sharbat aapko sirf garmi se rahat hi nahi pahunchayenge balki Acidity dur karane ke sath-sath aapko sharir ko thandak bhi rakhenge.

Pudina-Gud ki sharbat—

          Pudina-Gud ki sharbat hamare yaha sadiyon se chala aa rah hai. yah to  hamara parampara raha hai, aaj bhale hi hum log ise bhulkar videshi botal band sharabt par aa gaye hai, lekin hamara purana sharbat ke aage yah kuchh bhi nahi hai. Jaha tak hai to yah hamare sharir ke liye nuksandayak hi hai.

          Pudina ke poudhe me kai tarah ke nutrients hote hai, jaise- energy, carbohydrate, protein, Niacyne, Vitamin-A, C, sodium, potassium, iron, magnesium and calcium hote hai. Jo acidity ko dur karane me help karte hai.

          Isake alawa yah sharbat aapko refresh ke sath-sath pura din energetic rakhta hai and sath hi aapke digestion bhi sudharta hai, jo garmi ke dino me digestion bigadna aam baat hai.

          Process—Sabse pahale kuchh chutaki jeera and pudina ke pattiyan ko pis le aur ek glass me usake ras ke sath kuchh pattiyan bhi dal de. Usake baad ek bada glass gud ka paani aur gulabi ys kala namak dalen, sath hi isame barf ya thanda paani daliye aur aanand lijiye.

Chandan ka sharbat

          Aapne to sunane ka sath-sath dekha bhi hoga logon ko maathe par chandan lagaye huye, use lagane se head thanda rahta hai. Yaani ki usame thandak ka goon hai.

          Process -- Chandan ki sharbat banane ke liye chandan ke powder ko ek saph kapade me rakhkar usaki potaly bana len.

          Ab ek bade bartan me chini-paani ko boil Karen. Boil hone par isame dudh milaye aur 3-4 minute tak pakayen.

          Pakane ke baad last me usame 2 spoon nimbu ka ras milaye aur dekhe ki bartan ke kinare jhaag aaya ki nahi, yah bhi dekhe ki chini –paani achchhi tarah se mile hai ki nahi.

          Ab ise gas se niche utarane ke baad pahale se banaye gaye chandan ki potally ko paani me dalakr yun hi raat bhar chhod den. Subah potally ko nikalkar paani ko chhankar niakal len.

          Ab yah chandan ki sharbat ke liye chashani taiyar hai. Aap chahe to ise freeze me store kar sakte hai and daily ek glass thande paani me 5 spoon chashani milayen aur aanand len.

Gulab ka sharbat—

          Aapko pata hoga ki G ulab me anti oxidant ke sath-sath vitamin-C, E, iron & calcium bharpur matra me rahte hai. Yah aapke skin ke sath-sath aapke pet ke liye bhi fayademand hote hai.

          Gulab ki taashir thandi hoti hai, isliye ise garmi ke dino me sharbat ke rup me pine se body refresh & Healty rahta hai.

          Process—gulab ki sharbat banane ke liye sabse pahale gulab ki kuchh pankhuriyon ko dho kar mixxi me pisa len. Ab pisa hua gulab and 2 cup chini ko ek bartan me dale, upper se ek cup paani milakar 7-8 minute ke liye pakayen tab tak, jab tak yah honey ki tarah hi gadha na ho jaye. Waise kuchh kam gadha rakhana hai taki jame nahi.

          Ab ise thanda hone ke baad isame gulab jal milayen, isse isaka taste aur jyada badh jayega.

          Isake baad ise kanch ka bottle me nikal kar rakh len, taaki yah kai dino tak chale.

          Ab daily aap ise ek glass paani me 3 spoon sharbat dale, upper se barf ke tukade bhi dal sakte hai aur aapka sharbat taiyar hai. Aap ise paani ki jagah dudh bhi mila sakte hai. And aanand lijiye.

Sounf ka sharbat—

          Sounf ka taasir thandi hone se yah sharir ko thanda rakhata hai, sath hi yah bhojan ko digest karane me bhi help karta hai. Sounf me vitamin, minerals ke sath-sath anti-oxidant bhi hote hai jo sharir ko fayada pahunchate hai.

          Sounf me vitamin-C, K, E, calcium, zinc, potassium, magnesium, selenium, iron paye jate hai, isaki sharbat pine se body detox ho jata hai.

Insab ke alawa isame vitamin-A ki bharpur matra hone se yah ankhon keliye bhi fayademand hota hai. Isame moujud fiber cancer cells ko badhane se rokate hai, sath hi isake vitamin-c immunity ko bhi badhata hai.

          Process—isake liye sabse pahale aadha cup sounf 2-3 ghante ke liye paani me bhingo den, usake baad chhankar achchhi tarah se pis len. Usake baad us paste me kala namak, chini, pudina, milakar ise bhi 15-20 second ke liye mixxi me pise.

          Usake baad us paste ko paani me achchhi tarah milakar kuchh der ke liye chhod den. Usake baad usame nimbu & barf dalkar aanand lijiye. Garmi ke dino me yah sharbat aapke body ko thandak pahunchane me help karega and aanand lene me bhi.

Khas ka sharbat—

          Khas ka jyadatar use body ko hydrate rakhana aur Blood circulation thik rakhane ke liye kiya jaata hai.

          Isame paani me achchhi tarah se milane wala fiber hota hai jo digestive system ko majbut karta hai. Raatbhar paani me bhingo kar subah khali pet khane se digestion ke sath metabolism ko bhi behtar banata hai.

          Isake sath hi yah sharir se toxin material ko bahar nikalane ke sath hi constipation me bhi help karta hai.

          Process—Sharbat banane ke liye ek bartan me chini ko ghole and gas par chalate huye isaki chasni bana len. Isake liye jab chini paani me achchhi tarah se ghul jayegi tab 2-3 minute aur paka lenge.

          Usake baad usame khane wala green colour & khas ka assense dal denge aur achchhi tarah se mila denge.

          Ab hamara khas ka sharbat banker taiyar hai, aanand lijiye.

 

पुदीना-गुड, चंदन, गुलाब, सौंफ, सत्तू और खस का शरबत पिएं और तरोताजा रहें
पाचन दुरुस्त रखे |	ब्लड सर्कुलेशन ठीक रखे |
शरीर को हाइड्रेट करे |	सुजन कम करने में मदद करे |
एंटी-ओक्सिडेंट से भरपूर |	नर्वस सिस्टम को मजबूत करे |
नींद की समस्या दूर करे | sorce : Annu agrawal, डायटीशियन

  

Sattu ka sharbat—

          Garmi ke dino me sattu ka sharbat khaas kar ke UP-Bihar me log daily apane gharo me pite hai and yah bazar me bhi aasani se mil jate hai. Sattu me heat wave se bachane ka goon hota hai. Sattu me bahut hi jayada na-gulane wala fiber hota hai, jo intestine ko clean karke digestive-system ko majbut karta hai, constipation & acidity me bahut kaam karta hai.

          Process—Sattu ka sharbat banane ke liye sabse pahale ek glass ya bartan me kuchh gram sattu lijiye usake baad usame kala-namak, pudine ki patti, nimbu ka ras and bhuna hua jeera powder dalkar achchhi tarah milayen aur yah sattu ka namkin sharbat taiyar hai.

          Sattu ke sharbat me  pudina ki pattiyon ka ras dalkar piyen. Yah sattu daily 1-2 glass pine se loo se bachenge sath hi body clean & hydrate bhi rahega, aanand bhi aayega.

          To dosto badhatii temperature me heat wave ke karan kitano ke jaan chale gaye. Isliye aaplog apane-apane gharo me thanda & healthy sharbat ka use kare. Yah aapke puri body ko garmi ke kai tarah ke infection se bhi bachayega.

Disclaimer – yaha bataye gaye jitane bhi sharbat hai aap apani dietme le sakte hai. Bas is baat ka dhyan rakhen ki usse aapko allergy na ho. Agar koi pahale se healh issue hai to Dr. se mil sakte hai. Diabetes patient ko problem ho sakti hai, isaliye Dr. se milana bahut jaruri hai.

• Tweet
• Share
• Share
• Share
• Share