पीरियड्स की यह गलती बाँझपन लाएगा महिलाएं की विशेष आदत.. | female infertility
Mashik-dharm, rajo-dharm, mahawari, periods ya MC(menstrual cycle) Bharat, yani apane desh me ek closed chapter hai. jise koi bhi khol kar bat nahi karta hai, mahilaye bhi nahi, halanki mahilaon ko bhi isake bare me koi khash jankari nahi hai.
Jisake karan kitane pareshaniya ka samana karna padta hai. Isake kaaran uterus, kidney se related problem bhi ho jati hai. Aapko batate chale ki periods ke douran “vagina” ka pH alkaline (base) ho jata hai, aise me jyada der take ek hi pad ka istemal bhi infection badha sakta hai.
Aaj hum isi ke bare me details me
janenge jo koi baat nahi karta hai, halanki sabse jaruri yahi hai. Aap thik se
baith jayiye….
Menstrual
hygiene ka dhyan nahi rakhane se
hone wale problem-
Urinary track infection – Yah mahilaon ke liye ek gambhir bimari hai kyonki purushon ke mukable yah mahilaon me jyada hota hai. Kai bar yah urine track me dardnak dard hota hai aur agar UTI badh jaye to yah aapki kidney tak pahunch jati hai aur kidney fail ho jati hai.
Reproductive track infection – UTI ki wajah se hi yah uterus & fallopion tube me bhi microbial infection ho jata hai. Yah peritonitis, pelvic abscess ya septisemia jaise gambhir rup le lete hai. Kuchh mamlon me jan bhi chali jati hai.
Bacterial vaginosis – Yah un mahilaon me jyada dekhane ko milata hai jin mahilaon ka age bachcha paida karne ka hota hai. Unsafe sex ya daily douching jaisi activity isake problem ko badha dete hai. Symptoms me abnormal vaginal discharge, jalan aur badbu aane lagti hai.
Fungal infection – Sanitary napkin(Pad) ko agar samay se nahi badla gaya to fungal infection ki chance badh jata hai. Isake alawa gande kapde ka istemal bhi fungal infection badhane me help karte hai. Jiske karan vaginal me khujali, jalan, white discharge & swelling hone lagti hai. Gile undergarments use karne ke karan hote hai.
Toxic shock syndrome – Jab aap napkin ya kapde, lagatar 12 ghante se jyada der tak lagaye rahte hai tab “Toxic shock syndrome” ka janm hota hai. Isme gande blood me hone wale bacteria toxins uterus tak pahunch jate hai aur circulation me mil jate hai. Is situation me BP low ho jati hai aur heart beat tej ho jati hai, kabhi – kabhi death bhi ho jati hai.
Cervical lesions/ Cancer – Jo mahilaye periods ke douran apane jannango ki safai nahi karti hai, wo cervical lesions / cancer ke shikar ho sakti hai. Aise me bar-bar hone wala cervicitis cancer ka rup bhi le leta hai.
Infertility – Reproductive track se hone wala disease (pelvic inflamatry disease) mahilaon me infertility ka mukhy karan hai. Aise mahilaye pregenent ho bhi jaye to unme miscarriage ya time se pahale delivery hone ka khtra bana rahta hai.
Aise situation se bachane ke liye kuchh simple si baato ko dhyan rakhana aapke liye helpful ho sakta hai-
- New pad lagane se pahale ya hatane se pahle & hatane ke baad apane haathon ko thik se dhoye.
- Pad ko har 6-7 ghante me badal dena behtar hoga.
- Market me uplabdh entiment hygiene ke product nahi use kare to behtar hoga, saf pani se saf kare ya dhoye.
- Periods ke samay tight jeans ya kapde kabhi nahi pahane, kyonki is samay aapke genital organ ko sans(hawa) lene ki behad jarurat padti hai. To dhile-dhale, suti kapde pahne, jisse aap aramdeh & sukun feel kare.
- Kabhi bhi gile undergarments ko use na kare hamesha dhup me sukhane ke bad hi use me laye. Aaj bhi gramin bharat me undergarments ko kisi room ke kone me ya toliye ke ander chhipa kar sukhaya jata hai halanki use dhup me dalana bahut-bahut jaruri hai.
- Specially mahilaon ko travels ke samay public toilet ko jara dhyan se use karna chahiye, handle ko chune ke baad apne haath ko tissue se ya pani se saf kar lena chahiye.
- Aapko yah bhi janana bahut jaruri hai aap apane used pad ko sahi se dispose kar rahe hai ya nahi. Inhe paper me lapetkar dustbin me dal de, kabhi bhi mitti me gadane ki koshish na kare.
Insab ke alawa mahilaon ko yaad rakhan chahiye ki aaj social media ke dour me internet ke gyan par bharosa soch-samajh kar hi kare. Periods ya menstrual health se judi problem ko lekar specialist gynecologist se contact kare, kyonki life ki baat hai. Dusari taraf mahilaon ko moti hone ka ek karan yah bhi hai..continue....
To dosto yah hamare samaj ki life ki baat
hai, isi se samaj ka health decide hota hai. Yah post ladkiyon ke sath-sath
ladkon ko bhi padhana chahiye aura pane ghar le mahilaon ke is situation ko
samajhana chahiye. Is post ko apane doston ko jauru share kare. Ummid karte hai
yah jankari aapko swasth & jawan rahane me help karegi. jawan rahane ka yah free ka upaye kar sakte hai.... continue kare....
0 टिप्पणियाँ:
Thank you to visit and comment.