बिपि कैंसर जैसी बिमारियों को दूर करने वाले 10 आसान :Yoga for chronic disease

Corona mahamari ke baad se chronic disease bahut teji se badh rahi hai. Kam age ke logon ko bhi high blood pressure, heart disease, diabetes and cancer jaisi bimariyan ho rahi hai. Humlog har saal international yoga diwas manate hai, duniya ko sadiyon se batate aa rahe hai, khud hi har tarah ke bimari & motape se grast hai.

Aaj humlog aise hi 10 yoga aasan ke bare me janenge jo hume motape se dur karane ke sath-sath har bimari se chhutkara dilayega.

1. Heart disease :

Bhujangaasan heart ki muscles ko majbut karke blood circulation sudharta hai.

Aasan : Aasan me bhujangaasan & setubandhaasan heart ki muscles ko majbut karte hai. Blood circulation me sudhar karte hai. Sath hi back, lungs, shoulder, chest & pet ke muscles ke nichale hisse ko khinchaw milta hai, jisse lachilapan aata hai.

Pranayam : Pranayam me anulom-vilom lungs ki capacity badhate hai sath hi heart ko bhi healty rakhate hai. Yah shvaans ki process ko sudharta hai, jisse pure sharir me oxygenated blood ka flow badhta hai

2. Cancer :

Tadaasan sharir me energy level sudharkar use lachila banata hai.

Aaasan : Waise yog karke cancer ko khatm nahi kiya ja sakta hai, lekin tadaasan & trikonaasan jaise energy level suhdarane wala & sharir me lachilapn banane wala aasan karana chahiye. Isse tension & stress khatm hoti hai. Yah muscles & nervous system ko majbut banati hai.

Pranayam : Deep breathing wali ujjayi pranayam se tension kam karane aur cancer ke upchar ke dusprabhawon ko kam karane me help milta hai. Isse hamare sharir se polluted air bahar nikal jata hai aur sharir ne adhik swachchh & garm hawa pahunchati hai.

Tips : Cancer ko roktham karane ke liye whole body ko swasth rakhane wale yoga daily karani chahiye. Yoga cancer patient ko mansik shanti and positive energy dene me upyogi hota hai.

3. Motapa :

Sury namaskar bhojan se calory lene ka process improve karta hai.

Aasan : Sury namaskar ya sun salutation weight control karane me bahut help karta hai. Yah hamare metabolism yaani ki khaye gaye bhojan se calory lene aur use energy me badalane ki process sudharta hai. Sath hi sharir me sphurti aati hai.

Pranayam : Pranayam me jab koi kapaal-bhati & Bhramika pranayam karte hai to isse sharir ki urja ka bharpur upyog hota hai. Isse weight control rahane ke sath-sath digestion me bhi sudhar hota hai.

Tips : Santulit, calory-control diet and daily yoga, yah 3 chijen weight control karate hai.

4. Diabetes :

Konnasan pancrease ko activate karke insulin ko badhata hai.

Aasan : Konnasan & pashchimotanasan ko regular karane se pancrease ko activate karane me help milata hai. Insulin production & blood sugar ka balance banata hai.

Pranayam : Kapaal-bhati ek aisa pranayam hai jo aise situation ke liye bahut upyogi hai. Yah hamare metabolism ko badhata hai aur pancrease ke work me sudhar lata hai.

Tips : Kisi bhi yog ka behatar result pane ke liye din me 1-2 baar bharpet bhojan karane ke bajaye 4-5 baar thoda-thoda kar ke khayen. Isse jaldi result milenge.

5. Blood-pressure :

Shwasan sharir and mann dono ke dabav ko kam karta hai.

Aasan : Sukhasan & Shwasan hamare sharir & mann dono ko vishram aur aaram dete hai, tension & stress ko kam karte hai, jo normally blood pressure ke karan banta hai.

Pranayam : Rechak pranayam high blood pressure ko kam karane me help karta hai, isme lambi shvaans chhodate hai, jo blood pressure ko sudharta hai.

Tips : Namak kam khane se yog aasano ke liye sharir adhik lachila bana rahta hai. Blood pressure ka khatra bhi kam rahta hai.

6 . Kidney :

Dhanurvakrasana blood ke flow ko sudhar kar kidney ko majbut banata hai.

Aasan : Dhanurvakrasana & Ardhmtsyendrasan jaise yog hamare sharir me blood flow me sudhar aur swelling ko kam karke kidney ki work ko badhdate hai. Yah yog kidney ki karypranali ko adhik prabhawi banane me help karte hai.

Pranayam : Bhramary ek aisa pranayam hai jo kidney ke alawa pure sharir ke swasth ke liye upyogi hai. Tarjani finger ko dono kano par rakhen. Sath hi munh band karke “OM” ka uchcharan kare. Is douran nak se shvaans le aur chhode, aisa kam-se-kam 5-7 baar kare.

Tips : Agar aap chahte hai ki aapki kidney ki bimari thik ho aur work bhi achchhi se kare, to namak ka use kam kar dena chahiye. Sath hi hydrate rahane ke liye yog se pahale bharpur paani piyen.

7 . Liver :

Ardhmatsyendrasan yog hanikarak tatvon ko bahar karane me madd karta hai.

Aasan : Ardhmatsyendrasan & Bhujangasan liver ki work improve karta hai aur detoxification me help karte hai. Yah aasan lugs tak bharpur oxygen pahunchane me bhi help karte hai.

Pranayam : Kapal-bhati blood circulation ko badha kar liver ko healthy rakhta hai. Yah pet ki muscles ko majbut & active karta hai.

Tips : Yog ke sath aahar bhi bahut jaruri hai. Yadi aap harniya, mirgi, sleep-disk, kamar dard ya stenet ke patient hai to yah pranayam na hi Karen. Agar aap ki kuchh samay pahale pet ki surgery hui hai to bhi nahi kare.

8. Depression :

Ushtrashan se feel good harmone active hote hai.

Aasan : Ushtrashan and setubandhasan jaise yogasan andorfin ki release ko protsahit karte hai. Mood ko sudharte hai. Yah yog depression ke symptoms ko kam karte hai. Khushi ko badhate hai. Hum jyada khush rahte hai.

Pranayam : Anulom-Vilom jaise pranayam karane se mann shant aur santulit rahte hai. Isse vyakti ki puri shvaans pranaly aur digestion system thik se work karta hai.

Tips : Hume samajik/ samuhik yogaasan me shamil hona chahiye, isse samajik mel-jol badhta hai, behtar nind aane ke sath-sath depressin se bachata hai. And confidence bhi badhata hai.

9. Alzymer :

Sarwangaasan mastishk me blood circulation ko thik rakhta hai.

Aasan : Sarwangaasan jaise yogaasan mastishk me blood circulation me sudhar karte hai aur mastishk ki co-ordination baithane ki kshamta bahate hai. Insomniya yaani raat ko thik se bharpur nind na aane ki samasya bhi dur karta hai.

Pranayam : Bhramary jaise pranayam stress ko kam karane aur mansik spashtta me sudhar karane me help karte hai. Yah dimag ko sant karta hai aur sochane and sahi decision lene ke liye mann ko shant rakhta hai.

Tips : Jab bhi yog kare to khali pet kare. Nasta ya khana khane ke baad yog na kare. Khana khane ke 3 ghante ke baad yog kar sakte hai.

10. Headache :

Balaasan se stress kam hota hai.

Aasan : Adhomukh shwanasan aur Balaasan jaise aasan stress ko dur karane aur vishwash ko badhawa dene me help karta hai. Headache symptoms ko kam karte hai. Yah sharir ki stretching ke sabse aasan tarikon me se ek hai. Isse sharir me sphurty aati hai.

Pranayam : Migren jaise headache me pranayam bahut upyogi hota hai. Isse dimag shant, sthir aur tej hota hai. Dimag active hota hai.

Tips : Kisi bhi yogaasan & pranayam me shvaans ka bahut bada mahtv hota hai. Yog karte samay kabhi bhi munh se shvaans nahi leni chahiye. Aasan me kab shvaans leni hai aur kab chhodani hai isaka bhi dhyan rakhana chahiye.

To yah kuchh aasan & pranayam hai jise kar ke aap apane chronic disease BP, Cancer Jaisi bimariyon ko dur kar sakte hai. Ummid karte hai yah post aapko healthy & Jawan rahane me help karega. Sath hi yah vishwash hai ki ise aap apani daily routine me shamil karenge.

See Also--