बारिश के मौषम में मच्छर से कैसे बचे | Mosquito prevention tips in Rain
Hamare desh me kai jagahon par logon
ko garmi se rahat to mil gai, lekin barish ke wajah se jagah-jagah
jal-bharaw bhi ho gaya hai. Is mousham me ek samasya jo sabse jyada badh jati
hai wah hai – Machchhar(mosquito) ki badhi hui sankhya.
Kyonki barish me gaddhe me bhare paani me machchhar jaldi panapte hai. Aur sabse badi problemto yah hai ki in machchharon se sabhi ko khatra rahta hai.
Aise me
isse bachana sabse jaruri kamon me se ek hai. Aaj hum eesi ke bare me details
me janenge taki barsat ke mousham me bhi hum healthy rahe aur barsat ki paani
me enjoy kar sake.
Mosquito replent-
Bachchon ko mosquito se bachane
ke liye aap mosquito replent ka istemal kar sakte hai. Ise lagane se
pahale product ke peechhe likha- use karane ka tarika jarur dekh len.
Agar inka sahi se istemal kiya jaye to yah
safe hote hai. Agar aap ghar se bahar nikal rahe hai to ise lagane se pahale sunscreen
jarur lagayen. Kyonki replent lagane ke baad kuchh lagaya nahi jata hai.
Yah bhi jane ki replent sharir par nahi
kapade par lagaya jata hai. Aapko kisi natural replent ka istemal karna
chahiye.
Chhote baby ko mosquito se bachayen-
Agar aapka baby 2 month se bhi
chhota hai to ees par replent ka istemal bilkul na kare. Lagane se
pahale apane Dr. se salah jarur le len. Baby ko kahi bhi sula rahe hai to unhe net
se cover kar ke hi sulaye. Baby ke liye net hi sabse behtar tarika hai mosquito
se bachane ke liye.
Itane chhote baby ke liye kabhi bhi
koi chemical ka kisi bhi tarah se use na kare.
Barish ke dino me bachchon ke sath
bade logon ko bhi apane kapade par dhyan dena chahiye. Kapade aise hone chahiye
jo unke pure sharir ko cover kare.
Adhiktar logon ke haath & pair
khule rahate hai, jaha mosquito ke katane ka dar rahta hai. Isliye ees baat ka
dhyan rakhen.
Yah bhi kare- (Mosquito prevention tips in Rain)
- Agar bachche
ko khelane ke liye park lekar ja rahe hai to ees bat ka dhyan rakhen ki jaha
bachcha khel raha hai waha barish ka paani to bhara hua nahi hai ?
kyonki aise jagahon par machchhar jaldi panap jate hai.
- Aapko apane
ghar ke ander bhi machchhar se bachaw karane honge. Khaskar ke bachche ke room
ki khidaki ko subah-sham band rakhen. Sath hi mosquito bhagane wale mosquito
replent ka istemal kar sakte hai. Koshish kare ki dhuyen wali chij
ko na jalaye, isse pareshani ho sakati hai.
- Samay-samay
par ghar ki bhi saph-saphai karate rahe. Agar ghar me paani bhara rahta
hai to yah bhi machchhar ko panapane ke karan ho sakta hai. Isliye ghar ke
ander gamale, cooler, bathroom ki saph-saphai karate rahen.
- Machchhar
jyadatar paani ke pas rahane wale sthanon par breed karte hai.
Barsat ka jama hua paani, kachara ka dher, cooler ka paani ye sab ubke breed
karane ka sabse badhiya tarika hai. Isliye in sab ko saph rakhen.
- Mosquito net
ka upyog jarur kare. Yah sabse behtar aur safe tarika hai.
Machchhar se bachane ka.
- Barsat ke
mousham me swachchhta ka dhyan rakhana bahut jaruri hota hai. Nahi to aapke
aaspas gandagi & jame huye paani me machchhar breeding kar denge.
- Barsat ke
dino me indoor sprey & mosquito catcher aapke ghar ke bhitar
suraksha pradan kar sakte hai. Indoor sprey aapke ghar me ek protective layer
provide karata hai jo machchhar ko dur rakata hai. Mosquito catcher aapko
machchharon ko pakadane aur unhe bahar chhodane ke liye ek behtar tarika hai.
- Barsat ke
mousham me jal-jamaw aur thandi jagahon ko kam karana bhi ek tarika hai machchhar
se bachane ka . isake liye apane aas-pas pani ke jamaw ko kam,
karane ke liye sahi tarika ka upyoga kare. Aur barish ke jamaw paani ko nikal
den.
Yah kuchh simple upaye karke, aapk
barish ke mousham me machchharon se bach sakte hai. Apane aap ko aur
pane pariwar ko surakshit rakhane ke liye barish ke liye samabandhit
nirdeshon ka palan Karen aur sthaniye swasth vibhag ki salah ka
palan Karen.
To doston aaj humne
machchhar(mosquito) bachane ka trika jan liya hai. Barsat ke mousham me yah
bachaw baut jaruri hai nahi yo preshani badh jayegi. Ummid karte hai yah
jankari aapko healthy & jawan rahane me help karega.
See also--
0 टिप्पणियाँ:
Thank you to visit and comment.